KhureeҮНЭГҮЙ МАТЕРИАЛ / 7 PROMPT
Хувийн санхүүгээ төлөвлөх 7 prompt
Орлого, зарлагаа ойлгож, өөрт тохирох төлөвлөгөө гаргах.
Өөрийн ажилд тохируулаарай.
[ХААЛТАД БИЧСЭН] хэсгийг өөрийн мэдээллээр солиорой. AI-ийн хариуг нягталж, шаардлагатай бол нэмэлт асуулт асуугаарай.
Дөрвөлжин хаалттай хэсгүүдийг өөрийн тоо, мэдээллээр солиод, хэрэгтэй заавраа хуулж ашиглаарай. Гарсан тооцоог банкны хуулга, гэрээний нөхцөлтэй тулгаж шалгаарай.
1. Зардлаа ангилж, хэмнэх боломжоо олох
Сүүлийн 3 сарын зарлагаа доор тавилаа:
[ЗАРЛАГЫН ЖАГСААЛТ]
Зарлагыг ангилалд хувааж, ангилал бүрийн дүн, нийт орлогод эзлэх хувийг гаргаарай. Дараа нь миний анзаараагүй байж магадгүй гурван зүйлийг онцлоорой: аажмаар өссөн зардал, давхардсан төлбөр, ач холбогдол багатай мөртөө сар бүр гардаг зардал.2. Хэрэгжүүлэх боломжтой төсөв
Сарын орлого маань [ОРЛОГО], тогтмол төлбөр маань [ТОГТМОЛ ТӨЛБӨР].
Надад бодитоор биелэх сарын төсөв гаргаж өгөөрэй. Ямар ангилалд хэдийг зарцуулахыг тоогоор бичээд, яагаад тэгж хуваасныг товч тайлбарлаарай.
Чанга, дунд, зөөлөн гэсэн гурван хувилбар гаргаад, аль нь миний одоогийн зуршилд хамгийн ойр байгааг хэлээрэй.3. Өрөө барагдуулах
Одоо төлж байгаа өр бүрийн үлдэгдэл, хүү, сарын төлбөрийг доор бичлээ:
[ӨРИЙН ЖАГСААЛТ]
Хамгийн өндөр хүүтэйг нь эхэлж төлөх, хамгийн бага үлдэгдэлтэйг нь эхэлж төлөх хоёр төлөвлөгөөг зэрэгцүүлж, аль нь надад хэдэн сар, хэдэн төгрөг хэмнэхийг тоогоор харуулаарай. Сар бүр хэдийг хаана төлөхийг хүснэгтээр гаргаж өгөөрэй.4. Гэнэтийн зардлын нөөц бүрдүүлэх
Ажлаа алдвал би хэдэн сар тэсэх вэ гэдгийг тооцоод хэлээрэй.
[САРЫН ЗАРДАЛ] [ОДООГИЙН ХУРИМТЛАЛ]
Дараа нь 3 сарын зардалтай тэнцэх гэнэтийн сан бүрдүүлэх төлөвлөгөө гаргаарай. Сар бүр хэдийг, хаанаас нь хэмнэхийг тодорхой заагаад, хэдий үед бүрдэж дуусахыг хэлээрэй.5. Том худалдан авалт
Би [ЮУ] авах гэж байна. Үнэ нь [ҮНЭ], сарын орлого маань [ОРЛОГО], хуримтлал маань [ХУРИМТЛАЛ].
Одоо авах, зээлээр авах, хойшлуулаад хуримтлуулах гурван хувилбарыг тоогоор харьцуулаарай. Хувилбар бүрд нийт төлөх дүн, дараагийн 12 сарын мөнгөн урсгалд үзүүлэх нөлөөг бичээрэй.
Аль нэгийг нь зөвлөхөөсөө өмнө надаас тодруулах шаардлагатай асуултаа асуугаарай.6. Орлогоо нэмэх
Одоогийн ажил, чадвар маань доор байна:
[МИНИЙ АЖИЛ, ЧАДВАР]
Ойрын 6 сард орлогоо нэмэх бодит гурван замыг санал болгоорой: одоогийн ажил дээрээ, нэмэлт ажлаар, чадвараа зарж. Зам тус бүрд эхний алхам, ойролцоо орлого, шаардагдах цагийг бичээрэй. Хөрөнгө оруулалтын зөвлөгөө бүү өг.7. Гарын үсэг зурахаасаа өмнө
Доорх санхүүгийн бүтээгдэхүүнийг арван таван настай хүүхдэд тайлбарлах шиг тайлбарлаж өгөөрэй:
[ГЭРЭЭНИЙ НӨХЦӨЛ]
Би нийт хэдийг төлөхийг, ямар тохиолдолд нэмэлт төлбөр гарахыг, гэрээнээс хэрхэн гарахыг тоогоор хэлээрэй. Дараа нь борлуулагчаас заавал асуух таван асуултыг бичиж өгөөрэй.Khuree AI · @khuree.ai
Notion дахь эх материал